«Elv på himmelen» består av tolv dikt av Jon Fosse som Sandra Kolstad har tonesett og kledd i elektronisk musikkdrakt.
Til konserten i Fossehuset har Kolstad med seg kollega og ven Ingrid Olava. Dei to vev songane saman gjennom møte mellom elektronikk og piano, med stemmene sine som berande element.
I tillegg får publikum møta Kyrre Bjørkås, som har laga ein svært vakker scenografi og videokunst til musikken.
Skodespelar Gertrud Jynge vil også bidra på konserten.

«Fosse på fjorden» med Anderz Eide på litteraturbåten «Epos» kl. 1530 til seinast kl. 1800. Open kafe i Fossehuset etterpå.

«Høyr vår bølgje slå» Kulturkveld i Fossehuset kl 1900

Liv Marit Aksnes framfører Fosse-tekstar knytte til båten, naustet, sjøen og fjella, og ho får tonefølgje av gitarist Steinar Karlsen, som framfører musikkstykke i ulike sjangrar som skaper dialog mellom tekst og tonar.

«Det lysande mørkret – tru og truspraksis i Septologien» Foredrag ved prest Roar Strømme kl 18 i Fossehuset. Musikalsk innslag og allsong

Foredrag ved prest Roar Strømme, som har brukt mykje tid på å studera tekstuniverset til Jon Fosse og er spesielt interessert i den religiøse tematikken som har vorte stadig klarare i bøkene hans. Denne er særleg tydeleg i Septologien med sine mange bøner, teologiske refleksjonar og katolske livstolking.

«Usynlege hender» Skodespelar Gjertrud Jynge framfører Fosse-tekstar i ulike sjangrar i Fossehuset kl 20
Gjertrud Jynge kjem opphaveleg frå Tromsø. Ho har gått på Statens Teaterhøgskule og vore tilsett ved Det Norske Teateret i Oslo i over 20 år. Jynge har hatt berande roller i mange teaterframsyningar, mellom anna hovudrolla i Anna Karenina og Fedra. I 2015 skreiv ho manus og sette opp soloframsyninga Frå landevegen, basert på si eiga familiehistorie.