Usynlege hender

Skodespelar Gjertrud Jynge frå Det Norske Teateret i Oslo vil framføra ulike Fosse-tekstar, mellom anna utdrag frå romanverket Trilogien, ulike  skodespel og dikt.

Gjertrud Jynge kjem opphaveleg frå Tromsø. Ho har gått på Statens Teaterhøgskule og vore tilsett ved Det Norske Teateret i Oslo i over 20 år. Jynge har hatt berande roller i mange teaterframsyningar, mellom anna hovudrolla i Anna Karenina og Fedra. I 2015 skreiv ho manus og sette opp soloframsyninga Frå landevegen, basert på si eiga familiehistorie. 

Jynge har fått Heddaprisen for «Beste kvinnelege birolle» og «Beste kvinnelege hovudrolle» for rolla som Ales i Trilogienav Jon Fosse. Gjertrud Jynge har også hatt mange roller i filmar og TV-seriar, mellom anna NRK-serien Halvbroren. 

No i vår er ho aktuell på Det Norske Teateret med  Jente,1983, basert på romanen med same namn av Linn Ullmann.